Sab se chupa ker durd jo wo muskura diya
Uski hansi ne to aaj mujhe rula diya
Lehje se uth raha tha Her ik durd ka dhuwa’n
Chehra bata raha tha ke kuch ghanwa diya
Awaz mein tehraoo tha ankhoon mein nami thi
Aur keh raha tha ke mein ne sab kuch bhula diya
Janay kia usko logoon se thien shikyatien
Tanhayoon ke dais mein khud ko basa diya
Khud bhi wo hum se bichar ker adhoora sa ho gaya
mujh ko bhi itne logoon mein tanha bana diya