aesy dastoor ko main nahi manta by Habib Jalib

Deep jis ka sirf mehellaat
hi main jalay,
Chand logon ki khushyon
ko lay ker chalay,
Wo jo saye main har
maslihat kay palay;
Aisay dastoor ko,
Subh e bay noor ko,
Main naheen maanta,
Main naheen jaanta.
Main bhee kha’if naheen
takhta e daar say,
Main bhee Mansoor hoon,
keh do aghyaar say,
Kyun daraatay ho zindaan
ki divar say,
Zulm ki baat ko,
Jehel ki raat ko,
Main naheen maanta,
Main naheen jaanta.
Phool shaakhon pay
khilnay lagay tum kaho,
Jaam rindon ko milnay
lagay tum kaho,
Chak seenon kay silnay
lagay tum kaho,
Iss khulay jhoot ko,
Zehan ki loot ko,
Main naheen maanta,
Main naheen jaanta.
Tum nay loota hai sadyon
hamara sakoon,
Ab na hum per chalay ga
tumhara fasoon,
Chara gar main tumhain
kiss tara say kahoon?
Tum naheen charaagar,
Koi maanay magar,
Main naheen maanta,
Main naheen jaanta

Zulm Rehy Aur Aman bhi ho by Habib Jalib

Zulm Rehy Aur Aman bhi ho
Kya mumkin hai tum hi kaho
Her Dhadkan pe khuaf k pehry
Her Aansoo per pabandi
Ye Jeewan bhi kya jeewan hai
Aag Lagay Iss jeewan ko
Zulm Rehy Aur Aman bhi ho 

Battay Raho Ge Tou Apna Yuhni Bahay Ga Lahoo By Habib Jalib

Battay Raho Ge Tou Apna Yuhni Bahay Ga Lahoo
Huay Na Ek Tou Manzil Na Bun Sakay Ga Lahoo

Issi Tarha se Agar Tum Anna Parast Rahy
Khud Apna Rahnuma Aap He Banay Ga Lahoo

Sadda Kaha Yehi Maine Qareeb Tar Hai Wo Doar
K Jis Main Koi Hamara Pee Na saky Ga Lahoo

Dil ki kahani kya kahyie by Habib Jalib

Dil ki kahani kya kahyie
Apni Aag hi shama' jali

Uss Latt ka uljhao kya
Ik Balla tou sir se tali

Duniya ne woh dard diye
Bhool gaye hum unki gali

Bol k Jalib Qadar na kho
Iss Mahol main chup he bhali